葉家寶撐朱曉輝唔淫褻

今年亞洲先生是非多多，繼多位亞生逾期居留後，出爐冠軍朱曉輝被揭拍超激肉照，再被指在電影《遊》全裸拍攝，亞視高層葉家寶說：「人紅自然有是非，同佢了解過《遊》其實未上畫，呢套係藝術電影，唔係刻意裸露，事實上朱曉輝亦冇喺戲中裸露，只係似是而非去表達。」他又力撐亞生形象不是淫褻和低俗，只是支持藝術。談到逾期居留的亞生情況，葉家寶說：「依家朱曉輝、董鵬同周帥三個仲留喺香港就逾期居留同有冇收人工協助入境處調查，但係佢哋可以自由活動，只係暫時唔想出境。」他又否認亞生有收取人工：「嗰啲係補貼佢哋洗衫、打長途電話，唔係人工。」

對於城電王維基暗寸亞視「零」收視，他說：「零收視喺亞視根本冇發生，根據香港大學民意調查，無綫佔六成收視、亞視佔四成，香港人好奇怪，鍾庭耀做民生調查大家就相信，但就唔承認亞視收視佔四成，香港人有雙重標準，同埋有啲人別有用心成日話我哋零收視。（所講係邊個？）心照啦！（會唔會係王維基？）我冇咁講呀！」