感冒變老牛聲千嬅嚇親囝囝

近日在北京錄影節目的楊千嬅前晚返港出席活動,患重感冒聲沙沙的她自言已有八天沒有見兒子,令她十分掛念:「北京天氣凍又乾燥,返到嚟就熱,所以病咗!喺屋企要戴口罩,把聲又變咗男人,個仔都有啲驚!(試過同仔分開咁耐未?)今次比較長時間,錄音都錄到喊!」千嬅希望兒子一歲前,她盡量不想離港工作太久,即使有片約也會婉拒。提到早前與兒子為行善一同拍攝年曆,她表示下不為例:「嗰日啲鏡頭同射燈對住佢搞到嚇親,如果冇乜必要都唔想畀佢出咁多鏡,我做呢行知道辛苦!」此外,千嬅昨日上載兒子的可愛相片並留言:「媽媽很累,很想念,就算旁人不理解,不明白,最重要是,我知道你懂的!」

千嬅因感冒而變了「男人聲」,搞到囝囝唔認得而受驚!