熊黛林送火辣年曆焚城
名模熊黛林（Lynn）早前為公司拍攝年曆勁性感，男友郭富城激讚拍得靚，前晚她出席活動時聞言即甜笑，還表示會送一本給他作為聖誕禮物！記者問她認為城城哪個部位最靚？Lynn笑說：「唔可以用靚嚟形容，係型！」近日城城每次談及女友都嘴角含春？問到是否代表已公開戀情？Lynn又說：「感覺係人逢喜事精神爽！（咩喜事？結婚喇？）佢電影收得好嘛！叫好叫座，我媽咪喺南京睇咗都話好好，仲話票房應該可以過三億！（有冇信心佢又攞影帝？）好鍾意佢做呢個角色，同平時好唔同，我有時都會問吓佢演戲心得！」談到城城表示想拍喜劇，哪兩人可有機會合作？她說：「有機會我求之不得，佢某一方面都幾好笑，佢私底下幾搞笑！（成日講笑話氹你？）有時覺得一個人好笑係一個動作，有機會大家見吓佢另一面！」
熊黛林獲城城讚靚，難怪嘴角露出勝利甜笑！