周柏豪準備露兩點益歌迷

周柏豪首個大型演唱會《周柏豪PAKHO IMPERFECT LIVE 2012》將於下月28至30日舉行,他透露已準備一展肌肉:「睇吓滿唔滿意啦!滿意就騷晒上半身!」他又會自彈自唱,問到可會特別送歌予離世的婆婆?他說:「有!導演都有問我拎相,喺Video Wall播我同婆婆嘅回憶,叫做向佢作最後嘅敬禮!(唱佢鍾意嘅歌?)我唔知佢鍾意咩歌,因為佢喺醫院嗰時都係播我啱啱出道嘅歌,係我頭號歌迷!」提到可會挑戰跳舞一環?柏豪即堅決拒絕:「唔喇!我唔係跳舞材料,要我跳舞就好似要我講笑話咁,一樣咁大鑊!我講笑話啲人唔笑o架!(跳騎馬舞?)唔好搞喇!做好自己嘅強項。」

周柏豪透露個唱不會跳舞,以免獻醜。