許亦妮始終媽媽好

上屆港姐季軍許亦妮入行後機會不斷，除擔任大型節目司儀外，更參演劇集《老表，你好嘢！》，演藝事業看似順風順水，但原來她只是對人歡笑背人愁，回想參選時的辛酸史，Whitney指要多得媽媽的支持。

選美新聞日日層出不窮，港姐大熱自然成焦點，被揭情史家事實屬常事，上屆港姐季軍許亦妮（Whitney）也躲不過。首次面對突如其來的輿論壓力，她表面堅強，笑笑口面對，但原來私下壓力大到喊，不過幸有家人陪伴渡過難關，她說：「記得有次喺地鐵站打開本雜誌，見到篇嘢寫到我都幾侮辱性，嗰刻我啲眼淚即刻想標出嚟，但我同自己講『唔得！唔知後面有冇記者呢？見到我喊咁點算？』所以以前都有扮堅強，私底下先喊。」

送戰衣支持面試

對面輿論壓力，Whitney感謝家人，特別是媽媽的支持：「記得細個時媽咪好嚴厲，佢又要返工好忙，大個之後媽咪開通咗，特別參選後我哋講多咗嘢，嗰時選港姐真係好辛酸，好在有家人支持，媽咪仲好似同我一齊度過咁！報名嗰陣我都只係講咗畀媽咪知，佢同我去買戰衣面試，重同講『有咗呢件Lucky衫，你一定得！』我諗我以後都唔會丟嗰件衫。」Whitney又指平日跟媽媽吵架會以書信向她深情剖白，並認為寫既Sweet又令人感動。