6號結婚冇驚喜老婆笑水皮

RubberBand主音6號昨日以一身灰色西裝,配合太太Tim Lui的紅色露背晚裝舉行婚宴,問到6號會否在婚宴中製造驚喜?他望着太太說:「冇呀!冇咩驚喜。」太太就取笑他的回答很水皮。提到早前有報道指太太的姊妹團外表不討好,她說:「佢哋好好人唔介意,好玩得,同埋事實佢哋係靚。」而好友吳雨霏(Kary)和小肥亦有到賀,Kary表示經常見到兩公婆,6號太太亦有幫她寫歌,看見他們結婚都很開心。小肥亦大爆6號非常眼淺,早前兩人註冊,6號比太太先流淚。6號隨後應記者要求與太太親吻合照。

6號昨日舉行婚宴,笑言冇畀驚喜太太。