陳偉霆自嘲「肥佬」男友

英皇集團主席楊受成博士一向為善不甘後人，昨日他聯同陳偉霆（William）、泳兒和洪卓立出席《英皇集團70周年愛心呈獻：乙肝普檢日》，並捐贈一張150萬港元支票予一肝炎研究基金，William更和市民即場接受免費的肝炎測試！

英皇集團主席楊受成博士早前宣布今年會捐出一千萬元資助不同類型的慈善項目，昨日他率領陳偉霆（William）、泳兒和洪卓立一同出席《英皇集團70周年愛心呈獻：乙肝普檢日》活動，即場為市民進行免費乙型肝炎快速測試。楊受成更於會上頒贈一張150萬港元的支票予程思遠（中國˙國際）肝炎研究基金，資助確診為乙型肝炎的帶病毒者接受進一步藥物治療。

William親身示範乙型肝炎快速測試的程序，他說：「其實我爸爸就係因為冇定期檢查，最後肝癌過咗身。我細個其實驗過，係冇事嘅，不過隔咗咁多年，所以驗多次。（阿Sa有冇驗？）唔知佢有冇做快速測試，不過其實個測試好簡單方便，我會介紹畀朋友。」問他可有定期做身體檢查？他說：「依家開始會年年做檢查。（捉埋阿Sa去？）冇捉，自覺性好緊要。（咁阿Sa有冇做開身體檢查？）唔知佢。（女友嘅事你咩都唔知嘅？）係啦，我呢個男友唔合格！」

洪卓立笑言欠粉絲錢

同場的洪卓立則笑指Fans叫聲淒怨：「叫到好似爭佢哋錢咁！有叫過佢哋細聲啲o架。」他又透露最近考車牌1 Take Pass：「我幾叻！Kenny（關智斌）考咗4次先合格呀！但未諗住買車。」泳兒亦搭嘴表示下月會考車牌：「好緊張，因為我有少少路癡，我又試過泊車泊歪晒，要練多啲先得！（搵男友補鐘？）佢好耐冇揸喇，其實我最想搵多啲錢請司機！」