法拉情慾戲唔「激」得　

胡杏兒、陳法拉、張智霖、吳卓羲及羅仲謙前晚一同出發往英國，為劇集《衝上雲霄II》拍外景。適逢當晚是杏兒的33歲生日，有粉絲到場送上特大壽包，問到舊愛黃宗澤有否送祝福？杏兒說：「唔講呢啲啦！大家唔會想知！」而問到單身的吳卓羲會否渴望在外地有艷遇時，他笑說：「唔食西洋菜o架！」謙謙則透露緋聞女友楊怡於出發前致電他：「佢祝我一路順風同工作順利！」

此外，張智霖早前踢爆與法拉有激烈的情慾戲，法拉說：「電視尺度有限，唔會好激！（打定底？）會呀！帶定暖包，如果露前面就黐後面，露後面就黐前面！」

張智霖（左起）、杏兒及法拉出埠拍外景。