千嬅愛子帶挈攀高峰

楊千嬅產後前晚首次與老公丁子高出席活動，上圍升Cup的她穿上低胸裙大騷罕見事業線！她指身材是兒子送給她的，一生難得有一次機會，故性感上陣但只此一次！

前晚楊千嬅與老公丁子高恩愛出席Estee Lauder旗下品牌Osiao的晚宴酒會，產後首次與老公同場，心情大好的千嬅身穿低胸裙大騷事業線，她笑說：「以前都恨着到咁，但着唔到。（趁仲谷奶所以着到咁？）已經收緊，再過多個禮拜就着唔到，老公話一世人難得有一次機會咁着喎！」丁子高忍不住插嘴：「中醫師話會Keep住（身材），返唔到轉頭。」但他不會呷醋，因有甚麼事都可為老婆擋住。

老公「闊佬」一日

而千嬅自言沒有加墊，問到是否從未有過如此強勁的事業線時，她說：「回顧17年嘅娛樂圈人生，我事業線向來都好強勁，但生理上副產品就係個仔送。」此時，丁子高大搞爛Gag：「個仔將佢嘅事業推至最高峰！」千嬅透露一身打扮由老公包辦：「佢揀完件踢死兔先揀我條裙，今晚我係嚟傍住佢，佢好奄尖！」難怪丁子高大讚老婆是孔雀，而千嬅明言：「性感一次就OK，當資料圖片！」丁子高笑說：「只限今日同大家Share太太身材，平時就留畀我睇。」問到老公會否在家着T-back？千嬅說：「唔需要，太客氣！感情唔係建立喺身材上。」

楊冪被催婚

同場還有內地女星楊冪、名模Ana R.及姚書軼等，楊冪表示有去探望未來老爺奶奶，問到兩老有否催婚？她坦言二人時常有這樣的希望。問到有否興趣打Botox？她表示如工作需要都會考慮。