關寶慧帶盈盈 婚前揼骨鬆一鬆
湯盈盈與錢嘉樂將於下周四（15日）結婚，關寶慧、佘詩曼、周家蔚和文頌嫻等好姊妹昨日為盈盈舉行婚前派對，寶慧昨日透露要讓盈盈婚前輕鬆一番：「大家按吓摩、食吓飯咁，同埋今次都有Dress Code，就係全部人要着橙紅色，不過我冇，所以着咗紅色格仔褸囉！（當晚玩兄弟？）真係未傾到，要再傾吓！」談到腹大便便的家蔚佗B狀況，寶慧稱家蔚心境開朗，每日都很開心：「都冇乜特別大脾氣。（洪天明話佢成日發脾氣？）咁應該係天明自己脾氣大囉！」家蔚亦特別為派對提早準備食物，並於昨晨上載照片於微博。
此外，為盈盈搞婚禮的梁靖琪指婚宴上，會揭開盈盈BB性別，若蛋糕內是朱古力代表是兒子，士多啤梨則是女兒。姊妹團包括佘詩曼、文頌嫻等，兄弟團則有鄭伊健和阮兆祥等。
湯盈盈與錢嘉樂結婚在即，好友關寶慧為她搞婚前派對輕鬆一番。
關寶慧