約旦王子來港賀剛晶

霍啟剛與郭晶晶明日在霍家大宅註冊結婚，大宅花園以鮮花布置多個西式拱門，又架起帳篷遮蔽。而婚宴當晚邀請多位城中富豪，約旦王子亦會親臨香港出席世紀婚宴。

霍英東長孫霍啟剛與「跳水公主」郭晶晶，明日在霍家沙宣道大宅註冊，正式結為夫妻，繼而先後於10日在南沙及11日在香港擺酒大宴親朋。霍家大宅重修後已差不多完工，昨日有搬運工人送花草及裝置品入大宅，露天大花園內布置得美輪美奐，三個以鮮花砌成的圓拱門，將作為當日婚宴影相背景。另外，花園架起一個米白色帳篷，相信一對新人會在內舉行註冊儀式。由於剛晶不想婚禮太高調，只接受傳媒採訪在南沙及香港會展的婚宴，故明日註冊過程全不向外公布，為做足保密工夫，霍家門外草牆亦加上綠色帆布遮擋記者拍攝。

想婚宴「輕鬆啲」

兩日的世紀婚宴，除不少高官政要到賀外，城中富豪亦會出席，李嘉誠、李兆基、何鴻燊、蔡志明、鄭家純、李家誠與太太徐子淇等獲邀外，擔任司儀的曾志偉昨日還踢爆約旦王子亦會出席，志偉又表示一對新人甚麼都有，故諗送禮令他十分頭痛。

志偉表示與剛晶多次飯敍商討婚宴流程：「我知有好多世界各地賓客，粒粒巨星，約旦王子都會嚟！（你當晚會唔會唔飲醉？）放心，我一定冧，如果飲醉亂講嘢唔關我事。」又自揭獲邀做司儀的原因：「一對新人唔想婚禮咁嚴謹，想輕鬆啲，講嘅內容任我發揮。（重金禮聘？）冇金，我都會攞番出嚟做禮金，呢啲係誠意。（南沙同香港你都做司儀？）做唔到，一搞搞三日，我要拍戲，我知當晚真係好多人去，但名單仲未落實晒，成日更新。」