范振鋒耐性感化神經貓

DJ范振鋒（Ricky）與老婆李思欣婚後的「造人」工程未有聲氣，不過兩夫妻就育有一隻蘇格蘭混種摺耳貓B仔，視如己出。Ricky笑言B仔非常神經質，會經常突然發癲失控狂跑，搞到他冇晒符：「我不嬲唔畀佢上我張床，不過佢就成日喺我瞓緊覺嘅時候衝上嚟，依家愈嚟愈大膽，話極佢都唔聽！」雖然如此，其實他頗享受一家三口躺在床上的時刻。提到養貓心得，Ricky指必須有耐性，因為貓比較高傲，所以要用時間去感化牠們：「最好Keep住更換貓沙同玩具，令佢哋玩得招積、住得舒適！」

Ricky一家三口樂也融融，相當幸福。

李思欣親親B仔，Ricky會唔會呷醋(o架)？

B仔躺在私家床上，神情得戚到呢！