吳卓羲歐洲拍劇一頸血

吳卓羲為無綫劇集到歐洲拍外景,保守估計要花費數萬元於機票及住宿上,是名副其實「貼錢打工」。

吳卓羲(Ron)、劉松仁、楊怡、馬賽及朱晨麗等,昨日一同宣傳劇集《名媛望族》。提到日內將出發到英、法為劇集《衝上雲霄II》拍外景,問到是否準備大出血購物時,Ron說:「未出發都出咗血啦!因為贊助嘅航空公司英國線停飛,公司要改用其他航空公司,本來安排我坐經濟客位,自己要花幾萬蚊嚟Upgrade坐商務囉!」

唔吼「西洋菜」

至於住宿方面,Ron表示還要補貼房價才能入住單人房,今次出埠公幹果然是「流血不止」,難怪他笑說:「到時一定要屈Chilam(張智霖)請食飯,攞番啲油水!」問到可會期待此行有艷遇,Ron說:「吓?我鍾意食唐生菜,西洋菜唔啱!(心急拍拖?)做嘢先!(傳你就嚟約滿無綫喎!)合約仲有一段時間,但的確有內地製作公司向我招過手,但要留喺TVB,遲啲先算啦!」

同場的劉松仁被指今年有望爭視帝,他卻不恨獎:「人怕出名豬怕肥呀!我只係想做戲。」他直言近日私生活受「威脅」,緋聞被炒熱,他無奈地說:「嗰張相今年2、3月影落嘅,依家先攞出嚟登,個女仔當時有咗,我扶吓佢啫,依家人哋連仔都生埋啦!」

影視組

吳卓羲與朱晨麗為《名》劇落力宣傳。

朱晨麗(左起)、李思欣及王浩信等一同寫大字,非常合拍!

馬賽(前排左起)、劉松仁及楊怡等同捧點心宣傳。

楊怡(左)與馬賽在台上玩遊戲時,笑不攏嘴。