溫碧霞對陳偉霆動心
溫碧霞有份演出的英皇電影《紮職》即將上映，昨日她與楊小娟等一同出席環保活動時雀躍地說：「好開心呀，因為《紮職》啱啱搞咗兩場優先場，兩場都爆晒，反應好好，希望正式上映都係咁！（因為你嗰幕只着內衣？）我諗有好多因素嘅，總之套戲就好震撼！」其後她又突然說：「我好欣賞陳偉霆，佢演得好好，我有時見到佢都會動心，不過唔好話畀阿Sa（蔡卓妍）聽！」
同場的汪詩詩被問到老公甄子丹買樓給前妻及兒子，她表示一早知情，並大讚老公是個好男人：「我識佢嗰陣佢自己係冇屋嘅，但都照顧佢哋，我就係畀呢樣嘢感動咗，覺得佢好負責任，佢係一個好爸爸同好男人！我屋企人傳統啲，但我自己就唔介意，更加支持佢！」
溫碧霞笑言曾對陳偉霆動心。