子珊當黎明Bosco爛桃花
徐子珊前晚宴請《雷霆掃毒》工作人員，包括黃智賢及李家鼎等，提到觀眾對「一秒輪姦戲」失望，子珊說：「好矛盾，觀眾另一方面都好同情我。（微博視后投票領先楊怡！）好開心，會努力拉票。」對於近日與黎明及黃宗澤傳緋聞，她笑說：「咁我都好Busy啫！喺上海一日半，我要賽車、出席活動，如果仲要同呢兩個男人一齊，真係超人喎！我冇咁多桃花，有都係『爛桃花』。（報道指你同Bosco擁抱！）我個個都有攬。（黎明鍾意厚唇！）唔覺自己唇厚。」此外，子珊在劇中一些有發揮的戲份被刪剪，有一場她毒癮起時口水鼻涕齊流，歐陽靖用口含住美沙酮然後給她飲，監製林志華解釋Cut戲因怕觀眾看了會難受。而Bosco最近拍攝電影時捨棄靚仔形象，成為「潦倒麻甩佬」。
子珊因一秒輪姦戲被取笑，黃智賢即送糖安慰。