千嬅勒令丁家忌講肥

產後積極減肥的楊千嬅愈見成績，自言身段已由圓形變為橢圓形，希望努力變回長條形，更下令嚴禁老公丁子高嘲笑她肥胖，還要經常稱讚她最漂亮！

前晚楊千嬅出席Salad 2012年秋冬時裝手袋展，與諸葛紫岐等齊齊擔任嘉賓模特兒。壓軸的千嬅比產後首次現身時瘦了一圈，她自言正在默默耕耘：「啱啱老公表妹喺布吉結婚，我哋去咗四日三夜，老公暢泳嗰陣我就着住運動衫去跑步，依家仲差十幾磅！（最肥係邊度？）其實依家已經由圓形變做橢圓形，希望可以變番長條形啦！」問到老公丁子高喜歡她胖嗎？她坦承已下「禁令」：「我同老公講，全世界都可以話我肥，但佢同佢家族嘅人唔可以！因為呢個偉大建造佢都有份，所以老公成日話我係最靚！」千嬅又指老公說話很謹慎，不會正面「衝擊」她：「佢會形容我係恐龍、暴龍同速龍，恐龍幾好吖，夠矜貴嘛！」

JW畢業闖樂壇

同場的歌手JW就透露已畢業，現正式回港加入娛樂圈。問到老闆黎明有否受離婚影響心情？她說：「佢好專業！我最近錄咗首慢歌，佢好畀心機聽。」她又稱現正學打鼓及鋼琴增值自己，亦有跑步及打羽毛球減肥。