連詩雅冇累「兄弟」甩拖
連詩雅（Shiga）最近被指介入關楚耀與女友Megan的戀情，昨日她在記者會上否認是第三者：「我哋私下唔多聯絡，真係唔係拍拖，只係好兄弟！」並表示不知道關楚耀是否已甩拖。談及Megan鬧第三者道德低，問到有否致電對方，Shiga說：「呢段時間咁敏感，愈講愈多誤會。」同場的周柏豪亦力撐曾傳緋聞的師妹Shiga：「相信係誤會，藝人成日要承受唔關自己事嘅嘢。」至於事件男主角關楚耀，昨日接受《1圈圈》訪問時澄清甩拖與Shiga無關，並堅稱雙方冇可能發展，一直只當Shiga是兄弟。
