周迅新片涉種族歧視

周迅有份參演的荷里活電影《雲圖》備受爭議，因有演員在片中跨越國籍界限，其中由白人扮演黃種人時疑醜化亞洲人，被指涉種族歧視。但作為中國人的周迅仍被指有機會提名奧斯卡女配角！

剛出席美國荷里活電影《雲圖》首映禮的周迅，前晚即趕返港出席HOGAN新店活動。對於電影引起爭議，她表示該片故事題材相當特別，故十分喜歡，自己亦一人分飾三角：「東方人、外國人同反串做男人，我能夠演出都好好！（覺得自己演出點？）還好！（湯漢斯讚你演技好？）其實拍時頗累，但導演和演員我都好鍾意。（想同湯漢斯合作？）我都好鍾意佢，經常睇佢嘅電影學習。」對於被指有機會提名奧斯卡女配角？周迅雀躍地說：「咁勁？（想唔想？）咁勁，咁有當然開心！（打開荷里活市場？）冇諗咁多，因為呢啲係緣分，我可以參與呢部戲都係緣分，我唔知以後會點？順其自然就好。」

周迅表示去年拍了很多電影，今年稍作休息，還會給自己放兩個月假期，問到會否去旅行？她說：「未決定去邊，今年過得好寫意，北京天氣凍，所以想去一啲暖嘅地方，可以曬吓太陽！」

樂仔提早為城城賀壽

同場的余文樂表示因阮經天要當兵，他將會與黃曉明宣傳新戲。樂仔稱將開拍新片，但希望不用回內地拍攝。談及好友郭富城生日，樂仔自爆已跟對方慶祝。記者笑問正日是否留給城城女友Lynn（熊黛林）？他即扮傻反問誰是Lynn！