苗僑偉幽默當宣傳
藝人苗僑偉（三哥）昨日出席御藥堂揭開「森林紅寶石」之謎健康講座。談到早前在微博暗寸無綫，因要遷就其他電視劇而令其主演的劇集《雷霆掃毒》兩度停播，三哥說：「講吓笑，幽佢一個默，咪當宣傳囉！有啲話題畀大家講吓！同埋我哋做演員控制唔到咁多，只可以發表吓意見，講吓！（覺得唔公平？）我哋大結局喺星期日播番兩個鐘！」
另外，網民鬧爆徐子珊在《雷》劇中的輪姦戲只有一秒，三哥笑說：「好正常！我知大家好期待，但係電視有尺度，太暴力反而會畀人投訴！電視睇唔到成個過程嘅！有就會變咗電影，或者四級！大家唔好咁執着啦！」
