視帝鄭嘉穎與港姐曹敏莉前晚出席活動，嘉穎頸部貼上巨型膠布，由於他前日出席活動時冇異樣，故惹來「咖喱雞」疑雲！緋聞多多的他一聽到「咖喱雞」三字即面露不悅，更澄清因扭傷致頸筋發炎：「之前喺內地拍嘢扭傷頸，啱啱睇完跌打啪番正條骨，依家條筋發炎！」
正於內地拍攝劇集《葉問》的嘉穎，笑指被武指打傷：「我要趕返去再拍，呢套算係我入行以嚟打鬥場面最多嘅劇！（傷咗有冇影響拍攝？）暫時都仲係文戲，不過，呢套劇都多挑戰！」
鄭嘉穎與曹敏莉再碰頭，自然合照留念。
嘉穎頸部貼上大膠布。
