苗僑偉投資最勁贏個家

苗僑偉以代言人身份與關心妍及方力申等出席活動，他透露過往在股票市場受過重大打擊，直言「投資」最大回報是得到太太和仔女，相當窩心！

藝人苗僑偉（三哥）昨日出席在港舉行的「太陽金業集團有限公司」開業活動，對於有指以七位數字酬勞擔任代言人，三哥未有正面回應：「唔好講呢啲，總之滿意啦！我從來唔講錢，搵兩餐啫，點會講商業秘密出嚟o架！」問到投資心得，他笑言過往投資股票失利，但個人最大的投資回報就是賺到太太戚美珍和仔女。

方力申反擊網民

此外，經理人黃柏高率領陳奐仁、陳僖儀及組合As One到場，梁漢文也有出席。同場的關心妍透露有意搬大屋，希望有小朋友時有更大的活動空間。

另外，方力申早前在微博留言指香港單車手李慧詩為港爭光，結果遭網民批評「香港」兩字用詞不當，他說：「正常少少嘅人都會覺得冇唔啱，有時唔使太在意同佢哋鬧交同糾纏。（減少留言？）唔會，我一啲錯都冇，唔通孫楊拎冠軍為杭州爭光又有錯？嗰啲咁樣講嘢嘅人先係洗腦洗過龍。」