張智霖：唔畀風流就離婚

張智霖在新劇中飾演風流機師，問到是否得到太太袁詠儀（靚靚）批准，他竟吃了豹子膽表示「唔畀就離婚」！吳鎮宇則慨嘆劇中得一個已婚的梁靖琪做契女。

吳鎮宇、張智霖、胡杏兒、陳法拉、羅仲謙及馬國明等，昨日穿起機師和專業人員戲服，在無綫電視城出席劇集《衝上雲霄Ⅱ》的開鏡拜神儀式，老闆陳國強、高層樂易玲和區偉林親臨撐場。

鎮宇變孤家寡人

張智霖在劇中飾演風流機師，問到是否得到太太袁詠儀批准，他說：「唔畀我就離婚呀！」他希望親自找些具知名度的女星客串，至於會否找太太，他說：「佢去咗第二度工作，唔係我使走佢o架！（搵索女？）索女喺心裏面嘅，最索咪我老婆囉！」在旁的吳鎮宇提議他到書展找o靚模，他說：「真係飽囉！」

吳鎮宇透露飾演生活枯燥的機師：「劇入面我得一個契女梁靖琪，仲要係監製個女，仲要係結咗婚！我都要避忌啲，怕傳媒亂寫。（教吓後輩？）掃後背同教後輩都唔好。」另外，飽受與女友張馨予分手困擾的吳卓羲，湊巧因病缺席，劇中與他演一對的胡杏兒說：「唔好咁啦，可能佢真係好Hurt呢！如果係真，劇入面我畀多啲愛佢，男仔要拎得起放得低！」同場的馬國明否認與曾華倩翻撻，他說：「都冇拍過拖！我男仔冇所謂，但女仔會介意畀人講。」