謝天華、陳敏之和Mandy Lieu等前晚錄影遊戲節目《環遊世界明星賽》，雖然10號風球高掛，但仍無損眾星的心情，無綫還派出專車接載，認真細心！
剛拍畢新劇的天華，對於被指睇豪宅等攞視帝，他笑不攏嘴說：「梗係冇啦！但就計劃咗好多年，香港成幾萬蚊一呎，等我努力搵多啲錢先，唔一定要半山，反而啱自己身份同能力緊要啲。」Mandy則表示目前單身，還詢問記者有否好介紹，問到颱風下有否男士請纓任柴可夫？她說：「有個男仔朋友短訊問我係咪要開工，我答完佢之後又冇下文囉！」
謝天華揚言努力賺錢買樓。
颱風吹襲下，Mandy大呻未有男士接載返歸。
