強風「吹」毀花草紅姑心痛
鍾楚紅（紅姑）昨日身穿紅色斜膊Jumpsuit出席活動，對於有傳林青霞復出拍戲，紅姑大感開心！至於她會何時復出？紅姑說：「我依家咪企喺度囉！你哋要畀我熱吓身，習慣吓面對傳媒，我太內斂！（你冇戲癮？）睇情形。（等好劇本？）冇諗過真係要拍戲，隨緣。如果真係要拍，一早拍咗。（怕辛苦？）我冇拍咁耐。（客串？）睇吓有冇值得嘅Project。」
談到昨日凌晨十號風球，紅姑即大表心痛：「屋企嘅花盆冧晒，我好肉赤！今日已經忙咗一個朝早，我真係好鍾意花花草草，見到佢哋好開心。」因前晚雨太大，她未能外出救花草：「棵樹冧咗，但好在只係樹葉爛咗救得番，唔似喺街度啲樹咁冧咗。」
息影已久的紅姑仍魅力沒法擋，現場有位老伯拿着她以前的海報等她簽名，因紅姑一直忙碌，由助手代為接下。
紅姑暫無意復出，更不太習慣面對傳媒。