周麗淇呼冤冇翹起無綫

去年回復「自由身」的周麗淇(Niki),獲任賢齊招攬加盟旗下的娛樂公司。有指Niki答應簽約無綫後,反口轉投小齊,被指激嬲無綫的Niki大呼冤枉:「激死我啦!」

近年轉型成立娛樂公司做老闆的任賢齊,一直招兵買馬,最近成功簽下去年回復「自由身」的Niki,為對方開拓大中華市場。昨日在老闆小齊、同門師兄蘇永康,以及數十名忠實歌迷支持下,Niki盛裝出席加盟記者會,更在師妹鄭嘉嘉的鋼琴伴奏下大騷歌喉,唱出小齊和康仔的作品。

與樂小姐關係不變

日前有報道指將唱片和經理人合約一併簽給小齊的Niki,原來早已答應簽約無綫,但後來反口令無綫高層樂易玲震怒,更抽起她擔正的劇集《女警愛作戰》,對此Niki說:「激死我啦!根本冇咁嘅事。」並指跟無綫仍有部頭合約,雙方關係良好:「其實套劇一直都未落實幾時播,因為都未出正式通告。」她表示跟樂小姐關係沒變,對方本來打算出席記者會,但與無綫大型活動撞期才未能抽身。

至於小齊透露近日忙於在台灣拍電影:「台灣電影雖然冇香港發展得咁完善,但創作自由度好大,有好好嘅發展空間。」並透露在新片飾演同性戀者:「要去同性戀酒吧取經。」

音樂組

小齊為表重視,肉緊地拖實Niki玉手。

大批粉絲撐場又送禮,令Niki開心不已!