阿澤跪求放生拍戲
杜汶澤近日接受now節目《海琪的天空》訪問，談及當年窮到只剩100元，適逢有人找他試鏡當演員，得知亞視有7,000元月薪，即躍躍欲試，不過入行後入不敷支，曾欠租三個月，當時王晶以萬多元邀他拍電影，但遭當時經理人部主管阻攔，最終阿澤趁台慶時對方心情好，當眾下跪求對方「放生」﹗性情豁達的阿澤還替對方講好話：「佢係有權幫我推啲佢認為唔適合嘅工作，況且當時我要拍劇，如果甩期點算呢？直到依家，我都好感激以前身邊嘅工作人員！」
大病初愈的阿澤還透露休養期間，呼吸曾經嚴重不協調，以為就此一命嗚呼。談到成長過程，他自言一直身處危機中：「老竇爛賭，輸咗錢就返嚟搵我哋出氣！阿媽不時半夜拍醒我，一齊『速逃』去時鐘酒店住。」
杜汶澤向陳海琪透露當年窮到褲穿窿的慘況。