祖兒揞唔住劉浩龍把口

容祖兒昨日在電台節目中慘遭杜汶澤連環取笑,阿澤先以有味笑話奚落她「未食過好嘢」,接着又指男朋友對身體有益,氣得祖兒還擊表示只要想食好嘢,隨時都食得到。

祖兒最近與杜汶澤為英皇電影《DIVA華麗之後》四出宣傳,昨日兩人在電台節目中大談愛情觀,祖兒說:「事業、愛情畀我揀,梗係揀事業啦!感情嚟唔會抗拒。」多咀的阿澤大講有味笑話:「我懷疑你未食過好嘢!」祖兒即反駁:「我想食好嘢,幾時食唔到?」阿澤繼續毫不留情地說:「你呢啲係假設性,男朋友對身體好有益!」令祖兒語塞兼傻笑。

邀阿詩睇首映

其後主持人問祖兒:「突然有人講好鍾意你點算?」暗指劉浩龍早前高調宣布與她拍拖一事,祖兒淡定地說:「人哋講咪人哋講,唔通住人哋把口咩!(冇默契?)可能好想講啩,我仍然清楚自己做緊乜。」問到是否「天后之苦」?她說:「都無奈,呢單嘢係一個人同另外一個人有少少好感想試吓,點知被渲染、醜化,去到尾都係自己諗係咪試吓另一種簡單生活。」至於會否請何韻詩欣賞下月舉行的首映禮?祖兒說:「如果得閒佢一定要嚟,今次值得睇!」

此外,近日網上流傳多張祖兒與樂手為本周六廣州音樂會綵排的合照,祖兒邀得阿詩的哥哥何秉舜擔任鍵琴手,似乎「龍兒戀」無損友情。

音樂組

對於感情生活被醜化,祖兒大感無奈。(資料圖片)

杜汶澤與容祖兒接受查小欣訪問。