「亞視孖寶」陳煒及萬綺雯過檔無綫後首次影無綫合照，由於高層余詠珊曾在亞視負責籌備亞姐，故對兩人寵愛有加，排位不錯！其中企第二排的萬綺雯險勝企第三排的煒哥，煒哥惟有以性感紅色低胸裙加上閃爆首飾搶鏡，她賣口乖說：「唔覺自己搶鏡，公司咁多靚仔靚女。（公司忽略你？）不嬲唔覺，我好多嘢做！」而萬綺雯則大讚煒哥「有料」可性感，問到會否以企第一排為目標？她說：「唔會諗咁遠，我腳踏實地！（見過老闆陳國強？）見過！但冇提出咩要求。」
陳煒（右）低胸搶鏡，萬綺雯大讚「有料到」！
