松岡李那咀爆Baby
日模松岡李那（Linah）離鄉別井孤身來港發展，難免感到寂寞。在年半前，她與友人一同逛寵物店，遇上現在所養的迷你犬Baby，更對牠一見鍾情。初時Linah忍手，並未即時「扑錘」買下，但過了數天依然非常掛念牠。當友人再與她到寵物店探Baby時，友人便買下送給Linah，令她驚喜萬分，她笑說：「佢細細隻，唔使成日散步，每日只要同佢散步十至十五分鐘就夠。」
Linah冧爆表示Baby非常熱情，每次她踏入家門，Baby便會即時衝到她面前，圍着她團團轉。當她躺在床上，Baby亦會跟隨她跳上床，更會主動親吻她，令Linah甜在心頭：「之前我患上抑鬱症，嗰時喺屋企咩都唔想做，就算Baby搵我餵佢食嘢，我都冇心機理佢，嗰陣時佢真係好慘！不過依家我已經康復，會對佢好啲，補償番佢！」
Linah經常與Baby咀嘴。
Linah對迷你犬Baby一見鍾情。