張栢芝機場被圍撩大學生合作

不時巧遇粉絲仍顯得親民的張栢芝，昨日在香港機場被一群熱情大學生圍索合照，她有求必應，更主動與他們閒聊；而謝霆鋒的業務擴展至內地，其製作公司於北京正式開幕。

張栢芝昨日離港出發往上海工作，在機場巧遇大批熱情大學生，眾人高呼其名字外，更起哄要求合照。親民的栢芝除了連環任影，又主動與學生閒聊。

粉絲送賀壽視頻

問栢芝與大學生傾甚麼？她笑說：「我見佢哋着晒一Set嘅衫，問吓佢哋去邊？佢哋話自己係大學生，讀心理學，今次係去交流。」有意舉辦慈善活動的她更笑指，有順道邀請大學生幫忙：「我覺得讀得心理學應該更加識得點樣去幫人，所以問定佢哋第時如果有需要，可唔可以搵佢哋幫手。」

當栢芝飛抵上海浦東機場時，獲大批粉絲接機，他們向偶像送上經剪輯的慶祝生日視頻，令栢芝感動到爆。此外，亦有粉絲上載早前巧遇栢芝陪兒子Lucas的相到微博。

謝賢扮賭神賀兒子

另一邊廂，謝霆鋒與父母謝賢及拉姑、經理人霍汶希（Mani）及歌手鄭希怡（Yumiko）與男友Andy，昨日齊集北京出席霆鋒的製作公司PO開幕活動，期間，謝賢搞笑地與Andy及霆鋒助手表哥大擺「賭神」甫士，而西裝打呔造型的霆鋒，則一貫Chok甫。