吳浩康遭友出賣林子善最大嫌疑

吳浩康昨日在電台訪問中自爆曾遭同學兼圈中好友出賣，「好友」在他背後講壞話兼借他博宣傳，而對方的背景竟與無綫藝人林子善不謀而合！

歌手吳浩康（Deep）昨日與樂隊Closer成員林健亨（Ryan）等到電台宣傳新碟，Deep透露新碟內容關於親情及友情「變質」等。問到是否曾被朋友出賣，Deep說：「我有一個由細玩到大嘅同學，佢以前都係拍電影，依家係電視藝員。佢曾經喺背後講我壞話，但又用我個名嚟宣傳，仲試過同我身邊人講『同佢（Deep）行埋會累死你！』估唔到呢句說話會出自佢口！」

反思有冇責任

Deep直言遭「好友」背叛令他更成熟：「姑勿論佢講嘅係真定假！作為朋友嘅話，如果覺得我有問題，係咪應該親口同我講？不過可能我都有責任，會反思番係咪Hurt過佢。」

曾於電影《喜劇之王》飾演洪爺一角而為人熟悉的無綫藝人林子善，曾透露Deep是其中學同學，與Deep口中「好友」的背景不謀而合，本報向Deep求證「好友」是否林子善時，他不置可否：「唔再講呢啲嘢！」而林子善在截稿前仍未回覆。