CoCo 私房靚湯清肝潤晒

咪睇索模CoCo（袁聖殷）成個傻大姐咁款，實情呢位長腿索女不知幾咁細心，佢話歐國盃期間，個個都要捱夜睇波，加埋食啲煎炒小吃，真係好傷肝，最好搵啲湯水補補！CoCo介紹大家煲番個豬膶湯，飲咗唔止唔會眼光光，仲可以清肝熱，果然唔只出得廳堂、仲入得廚房添喎！

教姊妹主動出擊

CoCo介紹一個湯畀大家，尤其女仔可以煲畀男朋友飲，等佢有湯水滋潤，又有愛情補番：「正所謂『肝開竅於目』，成日捱夜嘅朋友通常都會眼紅紅，呢個時候就要清清肝熱！各位姊妹可以用豬膶、玄參、杞子同圓肉，再加3碗水煲個半鐘，包保男朋友會好冧！」聽落好似中醫師咁款，好似有啲料到喎！

咁如果未有男朋友又點呀？CoCo話唔緊要，都可以藉住歐國盃約心宜男仔一齊睇波，成個月流流長，任大家Date都得！CoCo奉勸姊妹最緊要唔好怕瘀，女仔大膽出擊，成功率高好多o架！當然要記得Download「歐國波Something」App同男仔一齊玩吓啦！

隨時一齊睇球賽

「歐國波Something」集娛樂同足球於一身，大家仲可以喺入面嘅「歐國妹Polling」中為佢全力投票打氣，仲有機會喺觀塘apm同CoCo一齊睇歐國盃決賽，投票愈多，機會愈大！