羽翹自創化妝掃王國

歌手羽翹（Ava）一向貪靚，試過上載化妝短片與粉絲分享扮靚心得，故一年多前決定籌備自家出品的化妝掃，希望將個人喜好和事業互相掛鈎。她說：「開頭只係諗住整一Set畀自己同朋友，後來發現都有市場喎！同埋有啲產品一講出嚟，就會諗起某品牌，但好似冇一個係『化妝掃之王』嘅品牌，所以想向呢個方向發展。好多人覺得動物毛嘅化妝掃係最好，其實係睇吓用喺邊度，我嚟緊就會準備出一隻動物毛加纖維嘅化妝掃。」

此外，Ava表示自家品牌的化妝掃推出以來反應不俗：「不過唔可以開心得太早，因為守業先係最難，依家啱啱回本，多咗資金都會發展落去。」她還透露目標就是開發更多有關化妝類別的產品。

自家品牌的化妝掃反應不俗，令羽翹十分開心。

喜愛扮靚的羽翹，常與Fans分享化妝心得。