Crystal搵理相 機不擇食

不少人認為女人只愛首飾，男人才愛相機，但其實現今不少女生都喜愛拍攝，而嬌滴滴的Crystal更擁有多部相機，出外旅行更會帶齊裝備影相，相當專業！

女子組合HotCha成員Crystal家中收藏了不少相機，對相機情有獨鍾的她說：「有時淨係望住部相機，都可以勾起好多回憶，所以我特別鍾意儲相機！我去旅行嘅時候，自己都會帶好多相機出去，每樣拎一部！」

至於最有紀念性的相機實非Joycam莫屬，Crystal於中四時購入：「用呢部機影咗好多相，最多回憶、最深刻，亦係玩得最開心！因為呢部機係影完要拉張相出嚟，唔似依家啲即影即有，影完自己彈出嚟！我試過因為太大力拉，搞到張相爛咗！」Crystal謂廠商已不再為此相機出菲林，為此感到可惜！

最緊要有Feel

Crystal家中相機類型非常齊全，有單鏡反光機、即影即有相機及菲林相機，問到最愛哪一類相機？她說：「菲林機！因為影出嚟有感覺啲，而且可以有多啲變化，最重要係影菲林機冇得即刻影完有得睇，要影晒成筒先拎去曬，所以一路影會一路期待影出嚟嘅效果，嗰種心情好得意！」她透露很多朋友或歌迷得知她喜歡儲相機，有時都會以相機作禮物：「好似8M呢部就係朋友送，我都好鍾意，同埋都好實用！」

影相啟發思維！

談到攝影，Crystal說：「影相有啲人鍾意影景，有啲鍾意影人，我係後者！因為可以捕捉到其他人自然嘅一面，好似我之前喺一個淳樸嘅地方影過一張相，係一個婆婆好開心咁對住電視機唱歌，冇理其他人嘅眼光。呢張相令我好有啟發，只要自己開心根本就唔使理身邊人嘅目光！」