Kary林德信 情侶檔搵銀

緋聞情侶吳雨霏與林子祥兒子林德信，前晚首度情侶檔現身，起初怕怕醜醜極不自在，其後並肩受訪時才漸見親密，更有默契地表示歡迎攜手搵真銀！

吳雨霏（Kary）與緋聞男友林德信（Alex）前晚首度情侶檔出席活動，開始時刻意避忌，合照時更拉埋司儀C君做「電燈膽」，其後二人才慢慢放鬆，不但有眼神交流，更不避嫌共用一支咪！

談及情侶檔搵銀，Kary傻笑說：「係朋友、同事檔。」問到為何扮生外，她再傻笑大叫：「大家唔使咁敏感，搵錢緊要啲！」而Alex被問會否追求Kary，即怕醜地說：「唔會，朋友嚟嘅。」他表示聽過Kary的新歌，但笑言他有份客串MV的另一首歌更好聽，並坦言渴望合作拍廣告。

有記者取笑Alex怕醜，Kary即時出言護航：「佢不嬲都怕醜o架啦！平時我哋有好多嘢講，佢出嚟見多啲人會好啲。」她表示音樂是二人的共同興趣，並大讚Alex的新歌非常好聽，但無意邀對方為下月的音樂會擔任嘉賓。

C君台灣冇人識

至於農夫成員C君則透露剛由台灣旅行返港，並在當地登上電視新聞！原來他想光顧的刨冰店無故結業，碰巧當地電視台上前採訪，他即交足戲地說：「好失望啊！」但當地人根本不知道他是香港歌手。