徐淑敏遊法學調香水

徐淑敏昨日帶病出席《日清滋味滿Fun嘉年華》，她說：「有少少燒同標冷汗，但唔擔心唱歌會走音，依家好似發緊夢咁。」她相信因照顧囡囡而被傳染，更要為此押後法國之旅，屆時將花兩星期在當地學習調製香水：「舖頭預計10月開張。（搵咗舖未？）返到香港先搵，相信喺中環。」她還透露將於書展派禮物，現忙於為小禮物趕工，自嘲十足工廠女工。

未病愈的徐淑敏，抱着大公仔即打起精神。