孫耀威唔識死犯法醉駕

基督徒孫耀威前晚在佈道會上，自爆以前愛講粗口及飲酒，更曾酒後駕駛至時速逾二百公里！

孫耀威（Eric）前晚出席北角協同中學周年佈道大會，上台分享人生觀，他坦言心情緊張，並憶述首次上台時講了很多平日不敢說的話，自覺信教後改變了不少價值觀。

冇玩一夜情

向來形象健康的他，原來以前十分曳，愛講粗口及飲酒，他說：「飲酒唔係錯，但我試過飲完揸車揸到二百幾公里，唔識死（犯法）！依家有番責任心，無論事業、愛情都係。」與陳美詩拍拖多年的他，曾自以為是個好男友，但其實非常大男人，問到是否曾一腳踏兩船，他說：「冇，只係試過同個女仔分手後亂搵水泡，根本未了解清楚，但絕對冇試過一夜情！同美詩一齊之前，大家都考慮得好清楚，因為大家覺得一開始就乜都好，過咗蜜月期之後就會發現缺點。」

談及同是基督徒的朱茵未婚懷孕，問到Eric會否覺得藝人很大壓力，他說：「唔好畀壓力自己，我哋唔係聖人，正常人都會犯錯，要用愛去教導，反省唔好再犯。」