天華撐拍檔：啲人幻想大啫
平時Chok爆的「Laughing哥」謝天華，得知在《潛》片的全裸畫面疑似露毛後直言冇可能，因曾向導演講明下半身露械鏡頭不能播出，正在佛山開工的他說：「我覺得應該係網民後期加工！（難受？）當係開玩笑！（拍攝時有貼膠紙？）我係全裸拍呢場戲，大家男人，貼膠紙盞畀人寸『好勁』！個個都冇着唔會尷尬！（擔心影響形象？）好多前輩露股、全裸後都紅咗，都唔擔心。（上咗同志網！）咁樣可以開拓新市場，唔抗拒同性戀朋友。」
提到拍檔金剛被嘲是「小小小小鳥」，天華即大笑說：「話佢嗰個人可能幻想金剛大啫！其實大、細係觀點與角度，我望金剛就覺得就正常，點知話佢嗰個人係咪黑人啫！」
謝天華同樣全裸拍攝，但不信有露械鏡頭流出。（資料圖片）