「女友」蔡慧欣未見過「小金剛」
金剛的全裸沖涼畫面在「同志網」任睇，下體更被評為「小小小小鳥」，身為緋聞女友的「神獸天使」蔡慧欣當然戥其不值，代「小金剛」被貶而呻慘，她昨日接受電話訪問時說：「我冇睇過套電影，唔知金剛個演出係點。（上網睇全裸片？）梗係唔會啦！我唔睇呢啲嘢！（金剛畀網民話佢下體細？）吓！係咩？咁慘呀！（戥佢不值？）我又唔知佢細唔細，冇睇過呀！（介意？）做呢個圈乜嘢都畀人講，唔使介意啦！」前緋聞女友張嘉兒得知金剛全裸演出，笑言要捧場欣賞：「當日冇入場睇，既然有咁嘅演出，我要睇番碟啦！（睇過？）我梗係未睇過！（戥佢唔抵？）其實男仔會介意人哋話佢細，但呢啲咁私人嘅地方，留番畀佢未來老婆睇咪得囉！」
張嘉兒（左）打算煲碟一睹「小金剛」，未知他的另一緋聞女友小儀會否效法？