曹敏莉恭喜舊愛長興做老襯
曹敏莉（Mandy）及李樂詩昨日出席嬰兒用品展，已懷胎六月的李樂詩將誕下龍B，問到會否嘗試人工受孕時，她指人工受孕不能保證性別，相信生完這胎便會「收爐」。而Mandy透露女兒正學行：「囡囡十個月大學緊行。（追多個？）等個女返學先諗，依家忙緊『慧妍雅集』晚會，都要媽咪幫手湊住，連媽咪都嗌救命！」提到前緋聞男友黃長興將結婚，Mandy表示早前在友人婚宴上遇見對方並已恭喜他。
另外，黃長興昨日出席法國美食秀，身為餐廳老闆的他平日會翻譯法國食譜給師傅烹調，他透露正籌劃開第二間分店：「搵緊舖位，但業主企價好硬。（開餐廳搵到錢？）嚟香港嘅目標係賺多啲錢，將來照顧老婆同家人。」同場的中國小姐趙哲妤與鄭欣宜舊愛Mark傳緋聞，她強調暫時只是朋友關係。
大騷美腿的趙哲妤與黃長興一同出席美食展。
曹敏莉談起十個月大的女兒即面露笑容。