古仔引女飛撲嚇到縮

酷爆見稱的古天樂，前晚於活動上被短裙女粉絲撲埋身翹實，最終要勞煩保安將短裙女拉走，可憐被生擒的古仔當場嚇呆！

古天樂前晚與名模熊黛林（Lynn）、薛芷倫、Angelababy及任達華等出席Jimmy Choo開幕酒會。古仔突被一名短裙女撲前翹到實，該女乘機挨身挨勢，並着同行友人拍照。古仔一度嚇呆，定神後才懂迴避，最後由保安拉走短裙女。事後問古仔是否經常有女飛撲？他驚魂未定地「吓」了一聲，再說：「真係唔知點反應！惟有走開。有次去北京宣傳，有兩個陌生女仔好熱情咁叫我，我即刻衝上車，佢哋好靚o架！我上到車都諗點解咁反應？可能工作上接觸好多人，搞到怕陌生。（驚緋聞？）唔係，係會驚囉！如果唔太熱情，搵我合照都OK。」他又指亦曾受男粉絲熱情對待。

Lynn被開價包一日

同場的Lynn自爆獲邀出席「飯局」，她說：「經理人初初鬧黐線，後來直接推晒！」她直斥女星不應以不道德交易換取演出機會，並表示曾有冒牌速遞員登門送信，內容指有工作一日可賺一百萬元：「諗諗吓好驚，個速遞有我大廈密碼可以上門，最後我決定報警！」問到郭富城有否提她小心？她自言知道如何處理。