蔣家旻入世未深險遭「狼吻」

無綫小花蔣家旻入行以來經常演一些巴辣角色，猶如一棵小辣椒。在鏡頭前「精甩辮」的她，鏡頭後卻是傻大姐一名，更險些被「騙色」，最終幸得師姐提醒而力保不失！

外表精靈機智的無綫小花蔣家旻（Angel），經常演一些反叛、巴辣或奸狡的角色，但現實生活中，Angel卻純如蒸餾水，毫無殺傷力之餘更險些被豺狼「施襲」，她坦誠地說：「我曾經同一位男藝人約會出街食飯，點知出咗一次街之後，就有師姐提醒我，話佢係『食家』，淨係想追求肉體關係，嚇到我唔敢再單獨見佢！」

兄妹感情難發展

經此一役後，思想單純的Angel笑言入世未深：「真係知人口面不知心！下次就算有人約我都真係要了解吓先，哈！」

Angel笑言經常都會演一些與現實相反的角色：「我嚟緊喺新劇《大太監》中飾演貪錢妓女，仲會呃劇中太監曹永廉感情！同我現實嘅性格真係相反！」Angel早前憑《天與地》少女版佘詩曼一角而成功彈起，她於劇中的角色敢愛敢恨、追求者眾，但現實中感情生活卻Dry爆，她笑說：「其實我都想拍拖，但係身邊朋友唔係有女朋友，就淨係當我係細妹，想發展都難！既然冇拖拍，就惟有專心拍劇啦！哈哈！」