李蘊唔再嫩肥得快
歌手李蘊（Renee）今夏將踏入21歲，大個女的她笑言感到新陳代謝減慢，一食即增磅：「原來20歲真係個關口，一食就見效，尤其係塊面，所以唔敢喪食！」不過禁食確有成果，早前Renee行內衣騷時盡顯Fit爆身形，令人「直豎拇指」！
Renee與同齡的鄧紫棋（G.E.M.）老友鬼鬼，不時搞花臣鬥癲，兩人更試過穿睡衣及高踭鞋到超市掃貨，認真嚇親街坊：「我哋性格好似，都係大癲大肺嘅人，玩遊戲罰嗰啲仲癲呀！絕對唔可以公開！」問到會否相約到台灣旅遊？Renee說：「都想同G.E.M.去旅行！但唔會去台灣，呢個地方咁敏感！」
