文恩澄拍拖買餸 廚藝差一味靠滾

歌手文恩澄（Rannes）與新城DJ男友杜浚斌（Ben）拍拖逾5個月，二人坦言已達「半同居」階段，閒時最愛放狗和「煮飯仔」，可惜Ben「彈」女友廚藝差，故該晚晚餐以零難度的火鍋解決。

熱戀中的Rannes和Ben，日前相約友人在愛巢搞大食會，為準備豐富晚飯招呼友人，二人趁下午有幾個小時空檔，拍住拖到灣仔街市買火鍋食材。愛癡纏的他倆，全程十指緊扣買菜、肉及魚等，Ben更盡展好男友本色，為女友拎大包細包及負責付款，十足一對恩愛小夫婦。

Ben事後接受本報訪問時說：「買咁多餸，大部分都係買畀朋友同Rannes食，我減緊肥，只可以食菜同幾塊牛肉。」他透露女友也曾為他親自下廚，可是廚藝未達標，曾作出善意批評，卻惹怒女友，他說：「我只係話佢整嗰啲糖醋雞翼鹹咗少少啫，我都係想佢有進步空間之嘛！」問到是否因Rannes手勢未到家，故索性改食火鍋？他望一望女友辯稱：「咁食火鍋方便嘛！鍾意食乜就食乜，Rannes又唔使咁辛苦，煮到一頭煙。」

學整蛋白Cake

問Rannes可曾獲男友讚賞？她表示有一次炮製白酒芝士雞翼，男友都有讚，但有時辛辛苦苦下廚，男友卻不欣賞，令她相當激氣，可是她轉頭又表示，因男友戒糖及油，現正努力學整蛋白蛋糕，希望他一邊減肥，仍可一邊大飽口福。