麥雅緻張穎康被亂點鴛鴦
無綫主持麥雅緻（Angie）將於11月下嫁藝人張穎康，二人忙於籌備婚宴，心情緊張，張穎康說：「嚟緊我要開劇，角色要我瘦啲、乾啲，所以忙自己嘢之餘仲要狂做運動。」而準新娘Angie試穿婚紗後看來身形纖瘦，但仍嚷着要減肥，務求以最Fit狀態出閣。
由於喜帖未印好，二人還未將喜訊公告天下，結果鬧出笑話，張穎康說：「有日朱慧敏喺化妝間見到Angie，知道Angie結婚，即刻好開心咁恭喜佢。跟住佢見到我，知我就結婚，於是問新娘係邊個，我指一指Angie嗰邊，佢以為係幫Angie整緊頭嗰個髮型師！」
麥雅緻與張穎康為婚禮忙到一頭煙，但同時非常享受。
婚紗的低胸剪裁，將麥雅緻的美好身材表露無遺。