城城佩服犧牲 捧Charlie封后

影帝郭富城（城城）與玉女楊采妮（Charlie）在新片中由後生演到老，城城坦言佩服Charlie為角色的無私付出，更力撐她應憑此片封后！

城城與Charlie最近於新片《浮城》再結片緣，城城對好拍檔有讚冇彈：「每次同Charlie合作都好回味！戲中我哋演夫妻，30歲演到60歲，仲要學講蜑家話，Charlie為演好蜑家妹，特登曬黑，我見到都嚇一跳問：『做乜你咁黑？』女仔膚色好重要，佢犧牲好大，我好希望Charlie憑呢齣戲攞獎！（你呢？）我只想做好本分，幫導演圓夢，獎項唔強求！」

對於被城城激讚，Charlie仍謙虛地說：「我唔諗獎項！當初知要演呢個角色，專登戴耳塞體驗聾人世界，令我對個角色了解深咗好多，原來與世隔絕好孤獨！好多謝城城喺拍攝現場帶來好多歡樂，佢份人雖然好陽光，不過角色陰沉，又處理得到，好厲害！」

揭開秘密日記

城城更即席示範搞Gag，為大家帶來歡樂：「其實到咗要認真嘅時候，我會整理番我嘅情緒，將感覺帶入戲度。今次同Charlie合作，可以話，佢將我心中嘅日記揭開咗！（揭埋愛情嗰頁？）吓？你哋講乜話？我又聾咗喇！」