趙又廷刷定牙海邊咀Baby 7次

Angelababy及趙又廷於新片主題曲MV有一幕咀戲，二人足足NG了7次，要在海邊情深一吻，導演才收貨！Baby打趣問：「你係唔係畀咗好處導演？」

趙又廷及Angelababy（楊穎）主演電影《第一次》主題曲《都要微笑好嗎》的MV，昨日首度曝光。二人拍MV時，要在海邊情深一吻。看似簡單的蜻蜓點水式接吻，卻足足NG了7次！Baby笑說：「呢場看似簡單嘅吻戲，我哋足足拍咗七次先收貨，因為呢場戲係我哋入組後拍嘅第一場戲，所以拍之前有啲緊張，亦冇諗過要一口氣同趙又廷咀足七次先滿足到導演要求，哈哈！原來我哋嘅『咀功』都咁差！」Baby拍完後即打趣問趙又廷是否給了導演好處，令他啼笑皆非。

趙又廷咀前更做足準備工夫，他帶備牙刷刷牙，還表示作為男士應表現大方，才能讓對手入戲，他說：「其實拍的時候有點尷尬，但作為男士應該大方一點，必須讓自己豁出去，這樣Baby才會放鬆點。」

Jay打造歌曲

拍攝結束後，有男工作人員悄悄跟Baby表示很羨慕趙又廷，更揚言想跟他調換位置，認真搞笑！另外，這首主題曲是由周杰倫（Jay）及填詞人方文山打造，可謂一圓Baby心願。