鍾楚紅睇騷免搜袋
昨晚睇騷的鍾楚紅獲保安「開恩」不用搜袋便可由正常通道入場。莊思敏以GaGa Look現身，而李麗珍獲男粉絲要求合照，豈料對方拍完照後說：「好鍾意睇你嘅《蜜桃成熟時》。」嚇得珍妹即閃。李彩華打扮則最出位，一對喱士假兔耳既迷人又搶鏡。薛家燕於收工後與家姐趕往會場睇騷，其他捧場客還有古巨基、蔡一傑、薛凱琪、文詠珊、何超盈、汪詩詩、汪圓圓、蔡加讚、李丞責及劉倩婷等。另外，前晚鍾鎮濤（阿B）跟女友范姜、薛芷倫、鄭裕玲（嘟嘟）、任賢齊和丁子高等，薛芷倫大讚GaGa個騷每一Part都精彩，她畀足99分。嘟嘟同樣讚GaGa騷達世界級水準，是她看過最好睇的一個騷。阿B認為製作超水準：「尾場都想帶細女鍾懿去，因為佢視GaGa係偶像。（唔怕三級意識？）會同佢家長指引，解釋係表演。」昨日謝婷婷出席佳士得春夏拍賣傳媒預展示名錶，前晚睇GaGa的她大讚值回票價及有水準，並坦言也希望與哥哥去睇騷。
鍾楚紅昨晚睇騷，獲保安「開恩」，不用搜袋入場。
HotCha成員Winkie（左起）、鄭融和薛凱琪齊來捧場。
戴上黑超的何超盈，與女友人一同到場。