Angelababy做司儀拉低平均年齡
宅男女神Angelababy前晚出席時裝派對時以濃妝示人，她說：「因為係夜晚活動，所以想成熟啲，可能之前見舒淇太靚，都想自己成熟少少。」談及早前在金像獎擔任司儀的表現時，她說：「OK，好多朋友都話Good Show。（但有網友話你喺度唔知做咩？）我嗰晚就係要拉番低個年齡，呢個都係大會請我嚟嘅目的。」問到男友黃曉明可有給她意見，她表示沒有問過，但未有想過當主持，因太多競爭，還是當演員好些，又透露下半年會於內地拍攝古裝電影，但未必多了機會跟男友見面：「話唔定佢喺香港做嘢呢，唔知，依家都係想工作先。」此外，Baby昨晚還跟內地女星范冰冰出席Valentino北京新店開幕酒會活動，一身飄逸打扮的冰冰高貴迷人，她與Baby參觀新店的裝潢之餘，順道欣賞品牌最新推出的春夏服飾系列。
濃妝的Angelababy配上長裙亮相，散發另一種女性魅力。
冰冰對新推出的春夏服飾愛不釋手，雙眼發光。