鄭嘉穎頸骨移位唔Chok得
鄭嘉穎昨日以賽事大使身份出席《賽馬冠軍一哩賽》活動，更坐開篷跑車出場。本報日前拍得嘉穎睇跌打，問到何處受傷？他才透露去年在內地開工時，曾發生交通意外，雖然不是由他親自駕駛，但令頸及脊骨移位：「本來要做物理治療，但冇時間，嗰日咪去啪番正囉！依家啲脊椎移一移位都好唔舒服，所以我唔Chok得o架！」
席上嘉穎獲大會送贈汽車模型，又拿着巨型鎖匙影相，他笑說：「以為送部車畀我，依家部車好細部，條鎖匙就好大。我本身都係馬會會員，佢哋不停問我會唔會養馬，但唔係時候，我對馬會會所興趣大啲，我鍾意健身、打波。」談及香車伴美人，他笑說：「望就係咁望啦！一步一步啦！我冇乜時間做私人嘢，明年睇吓有冇多啲時間去經營其他嘢，人生係要兼顧好多嘢。」
鄭嘉穎笑言未獲大會送贈名車。